Праект "ГосьЦі"- беларусы замежжа і беларуская мова

 Мы з сябрамі пабудавалі мабільную лазню "Чыстыя капыты" і пачынаем відэа праект “ГосьЦі” пра жыццё беларусаў замежжа. Да нас будуць прыязджаць беларусы замежжа з розных гарадоў Злучаных Штатаў і, спадзяемся, у хуткай будучыні, таксама з іншых краін. Нашы госці будуць распавядаць пра сваё жыццё пасля таго, як яны з'ехалі з Беларусі, і пра іх мясцовую беларускую суполку. Улетку мы плануем вандраваць з лазняй і наведваць сяброў у іншых гарадах.

У нас будуць у гасцях музыкі, мастакі, спартыўцы, рэжысёры, бізнэсоўцы, і іншыя цікавыя і паспяховыя беларусы, якія зараз жывуць у замежжы, каб пазнаёміць Вас з таленавітымі, шчырымі, ды інтэлігентнымі беларусамі, якія застаюцца беларусамі і за тысячы кіламетраў ад роднага кута. Ад Вас, паважаныя гледачы, мы будзем чакаць ідэі для традыцыйных беларускіх рэцэптаў, якія Вам цікавы і каго б вы жадалі пабачыць у якасці наступнага госця.

Наш праект будзе на беларускай мове, каб паказаць беларусам па ўсім свеце, як важна зараз для нас ведаць родную мову і размаўляць на ёй, таму што беларуская мова - гэта самая мілагучная мова і, на жаль, менш чым 10% беларусаў па ўсім свеце кожны дзень размаўляюць на роднай мове.

Спадзяемся, што мы зацікавілі Вас пазнаёміцца з нашым праектам, і дадаць трошкі беларускага кантэнту ў вашым жыцці. Падпісвайцеся на наш канал і чакайце прэм'еры выпуску на gosci.us

Чакаем і Вас да нас у госьЦі! 

тэлеграм